Lirik lagu Raja Sonakmalela

Molo ni ida mai torop nai sonak malela i ale amang
Ai tung sude do di desa na ualu di ingani tahe
Ai namartua mai da ompu i ompu parsadaan ni sonak malela i
Ai sude sibagot nipohan i siampudanna tahe

Raja mangunsong mai anaknai anak siahaan ale amang
Raja marpaung mai sipai dua pinomparna tahe
Napitupulu mai da paitolu dirajahon ma muse raja pardede i
Tung torop do tahe pomparan ni sonak malela i

Raja panganju do simangunsong i laho manganju sude angginai
Raja marpaung torop pinomparni holan parpangkat natimbo-timbo i
Napitupulu dohot pardede i holan namora torop pinomparni
Toke tu toke sude pinomparni na adongan goarni

Adong ma sada tona ni ompu i di sonak malela i ale amang
Di naga baling na di balige i bona ni bintatar i
Tanda-tanda mai molo marudan di ulaonnai manag pesta nai
Tanda gabe mai da tanda horas tu pinomparnai

Adong do sada na istimewa i di sonak malela i ale amang
Si boru muli manang anak mangoli di pestana tahe
Si sada lulu do anak dohot boru boruna pe dang boi marsitindian i
Tona ni ompu i padan i sai na hot do tahe

Nang pe marboru sonak malela i holan na burju do tu boruna i
Laos songoni do muse borunai holan na basa marhula-hula i
Ala ni i sai laku-laku doi anggo boru ni sonak malela i
Maradu-adu sude anak ni halak laho mangaririt i

Ai namartua nama i da ai namartua nama i da
Ompu i raja i ompu i sonak malela i
Ai namartua nama i da ai namartua nama i da
Ompu i raja i ompu i sonak malela i